' كول على ذوقك ولبس على ذوق الناس '

    سيادنا ها واحد السلام عليكم

   
عواشًر مبروكة دخل عليكم بالصحة و السلامة و طول العمر، بما انه العطلة قلت علاش اللي منكتبش شي حاجة ماكين ما يدار نيت كيف سبق ليا وگلت(فالصفحة) انه هنا ايكون مواقف شفناها، قريناها ولا عشناها

 اليوم غنعاود ليكم على واحد الموقف اللي كيوقع ليا ديما مع الواليدة ديالي . فينما نكونو خارجين، كنتخاصمو على اللباس ( ماشي نتيف و العضان و داكشي [للتوضيح فقط] ) هيا كتگول علاش متلبسيش هادو؟ وانا راسي قاصح السلامة كنجاوبها بسؤال و علاش منلبسش هادو؟ ديما حنا انا عكسنا. ودائما كتعاود ليا نفس المقولة . ابنتي، را تيقول المثل 'كول على ذوقك ولبس على ذوق الناس' زعما منكدبش عليكم نعرف هادا اللي گالها ننننن....معرت! كيفقسني هاد المثل، حيت دابا دوك الناس اللي أنا غنلبس على ذوقهم شراو ليا دوك الحويج؟ لااااا. و حاجة آخرة الا أنا لبست على ذوق الناس، شكون أيلبس على ذوقي أنا؟ شفتوو ؟ والا گاع أنا لقيت اللي يلبس على ذوقي، وهو مسكين ما مرتاحش فداكشي اللي ختاريت اخرج معنكش؟ ماجاتش ياكوا؟ المهم اللي بغيت نگول ليكم كولوا على ذوقكم و لبسوا على ذوقكم. و ماتگولوش ليا كتلبسوا على ذوق النااااس
واش تانتوما كتقاسموا معايا نفس الرأي ؟ الا كان الجواب لا، علل جوابك 5نقط
في أمان الله